Feeds:
نوشته‌ها
دیدگاه‌ها

Archive for the ‘شعر هزاره گی’ Category

 

بلی بوری اَمی آوازی دیده

بلی بوری صدایی سازی دیده

سری کو،کی میه ماشر موکونه

بلی بوری نیگایی نازی دیده

——————

ديلي اوگاري ازمه خوب نموشه

ديگه بجاي شوده جاي جوب نموشه

اَلي دیده خون مه قورو كدي تو

بسم موگي ديگه از مو نموشه؟

Read Full Post »

خدایا دردی سرمه خوب نموشه

دیل اوگار مه یید جای جوب نموشه

دوایی دردی سر زانویی یاره

دوایم مه از چی خاطیر جور نموشه؟

————————–

خدایا یار سری بولجه خو نَمَد

لَبی چیشمه پَسی توبره خو نَمَد

دَ کو یَگ توبره دَد کی پَتیر کو

بچوم سه شود پسی توبره خو نَمَد

—————————

نیگار نازنین بیه بیلَنده

پِرونی مخملی یار مه قشنگه

خدایا مه سونی شار ریی یوم

نیگاوو بَش دیده کَلو نور بَنده

————————-

بیلند بیه میه لبی چیشمه پسی آو

کوزه دَ سری شانه شی کَده خواو

کشکی سرمه کوزه موبودی

میشتم بله شانه شی تا شاو

———————–

عجب دنیا خون مه کده پوشت

مره پورته کده یار ،کده پورموشت

اَلی پورموشت دیلی دَ عیشق رَوایه؟

آکو مندم قدی سیال خو خون پوشت

————————

صبا گا ما مروم چیشمه پسی آو

لبی چیشمه میه دیده کدم تاو

لبی چیشمه میه دیدونی ازمه

کودم چادر کودَم پرو شودم ساو

Read Full Post »

تَموسه و عَجب سوزه خدایا

سَر خیرمویه یار جانِم خدایا

سَر خیرمو چی طور طاقت بیاره

کَشکی آوور بودوم بَلهِ سَر شی خدایا

—————————————–

دَزی روزا خَبر نیه زِ یارمه

نه دَ کویه نه دَ صارا نه چیشمه

مَره دِیونه کَده هَرچی سیاله

تانه دَده گوفته شیشته کوجایه؟

————————————————-

اَلیگَنو بِیید اَلغو کَنی مو

دیگه بَسه لَب جوی اِسته مَندو

بِید پورتَه کَنی سَنگه مَنهِ آو

بوفامَنی دَ پَگ سامو شوده خاو

Read Full Post »

دنبال‌کردن

هر نوشتهٔ تازه‌ای را در نامه‌دان خود دریافت نمایید.